Golden Eagle Ylli është kthyer te fitorja në Superligën e Kosovës në basketboll.
Të dielën mbrëma, Ylli mposhti në Prishtinë skuadrën e Borës me shifrat 86:71 në kuadër të xhiros së 13-të.
Me këtë fitore, që është e katërta këtë sezon, Ylli është ngritur në kuotën e 17 pikëve dhe renditet i parafundit pasi Vëllaznimi është i fundit në tabelë, po ashtu me 17 pikë.
Ylli ishte ekip më i mirë, sidomos në dy çerekët e parë, ku edhe e bëri shkëputjen në rezultat.
Periudhën e parë, Ylli e fitoi 21:14 kurse të dytë 21:10, përpara se e treta të përfundoj baras (25:25) dhe të katërtën ta fitoj Bora (22:19), por që nuk ndikoi diçka.
Trevon Allen me 20 pikë, Antwan Scott me 16 dhe Gëzim Morina me 17 pikë të shënuara, ishin më efikasit te Ylli.
Te Bora, vetëm dy basketbollistë e mbyllën ndeshjen me pikëdyshifrore.
Tyler Cheese me 13 pikë dhe Adem Mekiq me 10 pikë të shënuara ishin më efikasit.
