Granit Xhaka ka dhënë dritën jeshile për t’u transferuar te Milani këtë verë dhe po pret që klubi italian të arrij marrëveshje me Bayer Leverkusenin.
Thuhet se transferimi i Xhakës në “San Siro” është vetëm çështje kohe, pasi klubet pritet ta bëjnë zyrtare marrëveshjen, duke pasur parasysh se mesfushori shqiptar është pajtuar me një lëvizje të tillë.
Leverkuseni deri më tani i ka rezistuar ofertave për Xhakën, por duket se edhe 32-vjeçari tashmë ka njoftuar klubin gjerman për vendimin e tij, i cili nuk do ta pengoj për ta realizuar transferimin.
Milani do të ofroj 15 milionë euro për Xhakën, që pritet të firmos kontratë trevjeçare me opsionin edhe për vitin e katërt me ekipin nga Serie A.
Xhaka verën e shkuar iu bashkua Leverkusenit nga Arsenali dhe me klubin e Bundësligës ka kontratë deri në verën e vitit 2028.
Ai me fanellën e Leverkusenit e ka fituar titullin, kupën dhe Superkupën e Gjermanisë.
