Një karrierë me shumë episoda. Kartonë të kuq, tensione, fërkime me tifozët, madje hudhje edhe të fanellës por edhe me plot gola të bukur.
Granit Xhaka duket se po kalon ditët e fundit në fanellën e Arsenalit. Reprezentuesi zviceran është afër kalimit tek skuadra gjermane, Bayer Leverkusen. Ai në një deklaratë ka paralajmëruar se nuk mund ta shohim edhe gjatë në “Emirates Stadium”.
“Në javën tjetër do ta mësojmë të ardhmen time, unë do të jem falënderues ndaj fansave, pasi si më trajtuan ata pas gjithë asaj që ndodhi, nuk e prisja një gjë të tillë”.
Sipas gazetarit Fabrizio Romano, Xhaka do të nënshkruajë kontratë 4 vjeçare me Leverkusen, ndërsa këta të fundit do të derdhin 15 milionë euro në arkat e gjigantit londinez.
