Politologu, Visar Xani vlerëson se Lëvizja Vetëvendosje është dashur që të votonte sot për nënkryetarët e Kuvendit të Kosovës dhe të konstituohej Kuvendi.
“Partia që i ka numrat duhet që të lirojë rrugë dhe krijojë hapësira të reja për formimin e institucioneve. Në Kosovë po dështojnë të gjitha, nëse do të kishte vullnet politik, sot do ta kishim edhe presidentin e Kosovës”, ka thënë Visar Xani në emisionin “Infonata” në Tëvë1.
Ai vlerëson se krejt kjo po bëhet me qëllim që vendin ta dërgojnë edhe një herë në zgjedhje.
“Gjithçka që ka ndodhur sot është një kalkulim për ta dërguar edhe një herë vendin ne zgjedhje. Është duke ndodhur ajo që nuk duhej. Nuk ka pajtueshmëri në mes partive politike. Ajo që ndodhi sot nuk është nacionalitet politik. Kemi politikanë që krijojnë kriza. I pari që krenohet si i ka 53 deputetë, aq ka edhe përgjegjësi”, tha ndër të tjera Visar Xani.
