Në Dhomat e Specializuara në Hagë po vazhdon dëshmia e Paul Williams, i cili ka qenë këshilltar ligjor i delegacionit të Kosovës gjatë negociatave në Rambuje në vitin 1999.
E, në vijim të dëshmisë së tij, Williams ka thënë se Hashim Thaçi nuk e kishte autoritetin që të vendoste vetë.
Madje, sipas tij, u bë e qartë se komandantët e zonave duhej të bëheshin pjesë e procesit.
“U bë e qartë si drita e diellit se komandantët e zonës duheshin të bëheshin pjesë e procesit”, u shpreh Williams.
Ai gjithashtu theksoi se brenda objektit ku mbaheshin punimet e marrëveshjes së Rambujesë, ishte e pamundur që të përcaktohej statusi i ardhshëm i Kosovës.
