Përmes një njoftimi në Facebook, Universiteti “Haxhi Zeka” ka njoftuar se ky titull do t’i akordohet me motivacionin “Për humanizëm dhe guximin e veçantë njerëzor dhe profesional në mbajtjen dhe avancimin e vlerave themelore, të drejtave të njeriut drejt unifikimit të botës demokratike në ruajtjen e vlerave jetike për njerëzimin”.
“Miku i madh i Kosovës luajti një rol të pa zëvendësueshëm për unifikimin e vendeve demokratike të botës, për reagimin e tyre në ndaljen e akteve çnjerëzore serbe mbi popullatën civile shqiptare në Kosovë, në vitin 1999.
Shteti ynë është me fat që ka miq të tillë, ndërsa Universiteti “Haxhi Zeka” e ka për nder e krenari dhënien e çmimit më të lartë të tij personaliteteve të tilla si, Ambasadori William Walker”, thuhet ndër të tjera në njoftimin e Universitetit.
