Lëvizja Vetëvendosje përmes një njoftimi në Facebook ka treguar se si do të bëhet shpërndarja e këtyre mjeteve.
Teksa është thënë se shëndetësia, arsimi, mbrojtja dhe bujqësia do të vazhdojnë të jenë prioritet i Qeverisë.
Njoftimi i plotë:
Shëndetësia, arsimi, mbrojtja e bujqësia vazhdojnë të jenë prioritet i Qeverisë.
Buxheti për vitin 2023 do të jetë 3 miliardë e 212 milionë euro.
Prej këtij buxheti janë ndarë 296 milionë euro për sektorin e shëndetësisë në nivel qendror e lokal dhe 60 milionë euro janë për barna esenciale për t’u siguruar që spitalet dhe qendrat e mjekësisë familjare janë mirë të furnizuara për të ofruar shërbime ndaj qytetarëve. Për këtë po ashtu do të shtohen edhe 400 pozita: 100 në nivel qendror dhe 300 në nivel lokal.
Në arsim për vitin e ri buxhetor në përputhje me zotime tona ndër të tjera është paraparë ndërtimi i 11 çerdheve si dhe shtimi i 243 pozita të reja për staf dhe 500 asistentë për fëmijë me aftësi të kufizuara.
Sa i përket fushës së bujqësisë për herë të parë në historinë e Republikës së Kosovës buxheti për këtë fushë shkon në 87 milionë euro që do të përkthehet direkt në ndihmën edhe më të madhe ndaj bujqve tanë dhe zhvillimin e këtij sektori jetik për vendin.
Vitin e kaluar kemi dyfishuar buxhetin për Ushtrinë nga 50 milionë duke e çuar në 100 milionë, ndërkohë për vitin 2023 buxheti për fushën e mbrojtjes do të shkojë në 123 milionë euro duke e rritur kështu mbështetjen për për sektorin e sigurisë dhe të mbrojtjes.
Në vitin 2023 po e përmbushim premtimin tonë duke i përfshirë në skemë të gjithë fëmijët nën moshën 16 vjeçare. E për këtë qëllim, është ndarë buxhet në vlerë prej 60 milionë euro./teve1.info./
