Janë bërë mbi dy javë që zyrtarët e ndeshjes së Kupës të Kosovës në futboll, atë ndërmjet Vushtrrisë dhe KEK-ut, po presin pagesat nga klubi vendas.
Vushtrria e eliminoi KEK-un, në 1/16 e finales të Kupës dhe u kualifikua në raundin tjetër por ende u ka mbetur borxh zyrtarëve.
Në garat e Kupës së Kosovës, ekipi vendas është i obliguar të paguajë zyrtarët e ndeshjes por Tëvë 1, mëson se një gjë e tillë ende nuk është bërë përkundër premtimeve.
Në atë ndeshje, gjyqtarë ishin Burim Jahmurataj, Faton Jakupi, Denis Avdyli e Afrim Dedica. Vëzhgues i takimit ishte Xhabir Hajrullaga kurse kontrollor i gjyqtarëve ishte Jakup Musolli.
Një skuadër që pretendon të inkuadrohet në Superligë sezonin e ardhshëm dhe këtë sezon të shkoj larg në Kupë, duket se po neglizhon detyrimet që i ka ndaj zyrtarëve të ndeshjes.
