Presidenti serb Aleksandar Vuçiq tha se do të shpallë vendimin e tij për të shpërndarë Asamblenë Kombëtare dhe për të shpallur zgjedhje të parakohshme nesër në orën 12:00.
Ai gjithashtu konfirmoi se zgjedhjet do të mbahen më 25 tetor.
Presidenti serb Aleksandar Vuçiq tha se do të shpallë vendimin e tij për të shpërndarë Asamblenë Kombëtare dhe për të shpallur zgjedhje të parakohshme nesër në orën 12:00. Ai gjithashtu konfirmoi se zgjedhjet do të mbahen më 25 tetor.
“Më duhet të marr dy vendime në përputhje me Kushtetutën dhe Ligjin për Presidentin. I pari është një dekret për shpërbërjen e Asamblesë Kombëtare të Republikës së Serbisë, i dyti është një vendim për shpalljen e zgjedhjeve. Do t’i shpall të dy vendimet nesër, saktësisht në orën 12. Zgjedhjet do të mbahen në Serbi më 25 tetor”, tha Vuçiq për televizionin shtetëror serb, duke shtuar se fushata do të zgjasë 46 ditë.
Ai shtoi se do t’i pranonte rezultatet e zgjedhjeve – cilatdo qofshin ato – dhe do t’i përgëzonte kundërshtarët e tij nëse fitojnë.
Si përkujtesë, ligji përcakton që zgjedhjet parlamentare shpallen nga presidenti i shtetit dhe se nga dita e shpalljes së tyre deri në ditën e mbajtjes së zgjedhjeve nuk mund të kalojnë më pak se 45 ose më shumë se 60 ditë, transmeton N1.
