Marketa Vondrousova u bë tenistja e parë që nuk ishte bartëse e Grand Slamit “Wimbledon”, e që e fiton turneun në fund.
Epitetin e më të mirës në turneun e tenisit në bar, Vondrousova e fitoi të shtunën, pasi në finale e mposhti Ons Jabeurin.
24-vjeçarja Vondrousova, është e renditur në vendin e 42-të në ranglistën botërore, për shkak se mungoi në gjashtë muajt e sezonit të kaluar pas lëndimit të nyjës së dorës.
Por tenistja çeke shkëlqeu përballë Jabeurit dhe fitoi me rezultatin 2:0 në sete, 6:4 dhe 6:4.
Jabeur, 28-vjeçare, mbetet ende pa titull Grand Slam.
Ajo i ka humbur të tria finalet e turneve madhor ku mori pjesë.
Pasi u përshëndet me Jabeurin pas ndeshjes, u ul në gjunjë dhe ishte thuajse me lot gëzimi në sy.
Ndryshe nga çekja, Jabeur ishte e “thyer”. U ul në karrigen e saj, ndërsa mbante kokën ulur.
“Kjo është shumë, shumë e vështirë. Humbja më e dhimbshme në gjithë karrierën time”, ka thënë tuniziania Jabeur, që në vitin e kaluar humbi në finale të “Wimbledonit” dhe “US Openit”.
