Kontributi i Doganës së Kosovës është vlerësuar lart nga Sekretariati i Organizatës Botërore të Doganave.
Siç thonë nga Dogana, Kosova mori këtë vlerësim pas kontributit në kuadër të programeve të COPES/CCP.
“Ishte nder dhe privilegj i veçantë që në kuadër të këtij takimi nga Sekretariati i Organizatës Botërore të Doganave, të vlerësohej lartë kontributi që jep Kosova në kuadër të programeve të ndërtimit të kapaciteteve ku Kosova është një nga pjesëmarrësit më aktivë dhe më të suksesshëm në Programet e COPES/CCP dhe vlerësojnë lartë bashkëpunimin me Doganën e Kosovës”, thuhet në njoftimin e Doganës.
Më tej, në postimin në Facebook thuhet se Kosova është një vlerë e shtuar dhe një shtet anëtar me peshë në aktivitetet e OBD-së për avancimin e kapaciteteve te komunitetit global doganor.
