Nga dyert jo, por nga dritaret.
Në këtë formë dyshohet se hajnat u futën në njërën nga këto banesa në rrugën “ Cen Dugolli” në Ferizaj.
Fillimisht, hajdutët dyshohet se e thyen dritën para se të futeshin brenda.
E gjatë qëndrimit brenda banesës, i demoluan edhe dhomat.
Ndërsa nga këtu, nuk dolën duar thatë.
Kjo e shtyu pronarin që të hënën rastin të paraqesë në Policinë e Kosovës.
Ndërsa i njëjti për rastin nuk pranoi të flas para kamerës.
“Viktima mashkull k- shqiptar, ka raportuar se , person-a të panjohur kanë depërtuar me forcë në banesën e tij ku i kishin demoluar dhomat dhe kishin vjedhur para të gatshme dhe stoli Ari . Vlera e përgjithshme e dëmit sipas viktimës është 10000 euro”, thuhet në njoftimin e Policisë së Kosovës.
Por kjo banesë në këtë kompleks, nuk ishte e vetmja që në 24 orët e fundit, ishte cak i vjedhjeve.
E edhe këtë rast është duke e hetuar edhe Polica e Kosovës si “ Vjedhje të rëndë”.
“Viktima mashkull k- shqiptar, ka raportuar se , person-a të panjohur me forcë , kanë depërtuar në banesën e tij ku kanë demoluar dhomat dhe kanë vjedhur stoli Ari me vlerë 6000 euro”, thuhet tutje nga njoftimi i Policisë së Kosovës.
Për të dy këto raste, nga Policia e Kosovës nuk ka ende një të arrestuar.
Ndërkohë, një rast i ngjashëm i vjedhjes është raportuar edhe në Klinë, ku një personi i janë vjedhur para të gatshme, stoli ari si dhe një armë me leje.
