Një grua është lënduar si pasojë e një vetëaksidenti që ka ndodhur mesditën e së enjtes në rrugën Ahmet Krasniqi në Prishtinë – ku vetura është përplasur në pompe të derivatesh.
Zëdhënësja e Policisë për rajonin e Prishtinës, Flora Ahmeti, për tëvë1.info ka bërë të ditur se viktima është dërguar për trajtim mjekësor, ndërsa rrethanat e rastit janë duke u hetuar.
“Rreth orës 13:00, është pranuar informata për një aksident trafiku të ndodhur në rrugën Ahmet Krasniqi në Prishtinë. Në këtë aksident është përfshirë një automjet dhe për pasojë vozitësja është lënduar dhe e njëjta është dërguar për trajtim mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij vetaksidenti”, ka thënë Ahmeti.
