Autore: Adea Mustafaj
U detyruan që me ekskavator të prishnin urën.
Kjo për ta shpëtuar pjesën tjetër të fshatit.
Këtë zgjidhje e bën mëngjesin e së dielës banorët e fshatit Carallukë të Malishevës.
Kjo pasi uji depërtoi në katet e para të shtëpive përreth.
“Na në mëngjes, kur jemi qu, e kemi gjetë oborrin plot ujë edhe naper shpija na ka hi uji. Jemi dalë, s’kemi ditë ku me ja majt, e kemi thirr një katunar që e ka bagerin e vet edhe i kemi thonë: “meshoj me bager, qelna rrugën qetu”, se është fry kënej i murr shpijat, një katë gati”, shprehet Haki Hoti – banor
Këtë vëprim banorët e fshatit thonë se e bën në koordinim me komunën e Malishevës.
Por shtojnë se kjo e fundit ishte përgjegjëse për mos-rregullimin e saj, pavarësisht kërkesave të tyre.
“Na për këtë urë kemi bërë kërkesë disa vite me e prish e me e rregullu tjetrën, se po kemi problem. Po bën dëme. Shkojmë në komunë, bëjmë kërkesë: “jo e ndreqim sivjet, jo e ndreqim sivjet”. Që ka bërë dëme me miliona euro këtu…. Para dy vjetëve ma ka blloku makinën dhe e kom shit për hekura, edhe shumë e shumë katunarëve të tjerë që ju ka bo dëme kanë bo kërkesë për ndihma, subvencione, se s’kanë marrë parasysh kurgjo. Nuk e di, me e lëshu katunin krejt, se nuk e di çka me bo”, thotw Luan Hoti.
Nga komuna, sipas banorëve, u është premtuar një urë të përkohshme, mirëpo ky vendim nga ta nuk po pranohet.
“Mirëpo tash po dëgjohen fjalët se komuna po don me dhonë vendim apet qesi gypa me shti këtu, e qesi gypa nuk lejohet këtu me u shti, se gypat jonë konë tash veç me kriju shpenzime palidhje. Kështu që katunarët janë këmbëngulës: gypa mos me u bo, ura me dy këmbë, një kënej një anej”, thotë Haki Hoti.
“Na kërkojmë që ura të rregullohet, të bohet pak më e lartë edhe më e thellë, që mos me ardh vërshimet me kriju dëme.. Qe ku e kom shtëpinë, rreth e rrotull shkoj e boj edhe me shku edhe ma larg, e urë përkohësisht nuk e pranoj mo”, shprehet banori Luan Hoti.
E nga Komuna e Malishevës kanë treguar për hapat e metëjmë për rregullimin e urës.
“Patjetër që komuna shqyrton cdo kërkesë të qytetarëve e sidomos në këtë rast kur zakonisht ka prurje te mëdha të ujit por ajo cfarë komuna do të bëjë është që të bëjë me urgjencë nje urë të improvizuar, dhe të përkohshmë në mënyrë që qytetaret të lëvizën pasi që e pashë që në atë pjesë është edhe shkolla e fshatit dhe nxënësit duhet të shkojnë në shkollë e më pas do të bëhët një projekt, plan për rregullimin e asaj pjese me sigurinë që do të ngritet ura apo niveli i rrugës në atë pjesë”, thotë Artan Paqarizi.
Vërshimet e fundit në Carallukë sipas banorët shkaktuan dëme me mijëra euro.
