Pasi u refuzua nga Kylian Mbappe, skuadra nga Arabia Saudite pritet të transferojë një futbollist tjetër nga Paris Saint-Germaini gjatë kësaj vere.
Bëhet e ditur se mesfushori defensiv Marco Verratti pritet të jetë përforcimi tjetër i madh i ekipit saudit. “L’Equipe” ka bërë të ditur se marrëveshja tashmë është arritur mes të gjitha palëve dhe gjithçka do të finalizohet deri në fillim të muajit të ardhshëm.
Thuhet se Parisi ka pranuar ofertën e Al-Hilalit për Verrattin, i cili ka shprehur dëshirën për ta vazhduar karrierën në Arabinë Saudite.
Ai me Al-Hilalin do të firmosë kontratë trevjeçare, ndërsa detajet e pagës nuk janë bërë ende të ditura. 30-vjeçari prej vitit 2012 është pjesë e Parisit, ekip me të cilin ka fituar nëntë tituj kampioni të Francës.
Ai ka kontratë me skuadrën franceze deri në vitin 2026.
