Një burrë ka njoftuar policinë se persona të panjohur para derës së shtëpisë së tij në qytetin e Vitisë, kanë vendosur një arkivol të zbrazët.
Kështu ka bërë të ditur për tëvë1.info zëdhënësi i policisë për rajonin e Gjilanit, Valon Osmani, i cili tha se kanë filluar hetimet në indentifikimin e personave të dyshuar dhe në zbardhjen e rastit.
“Me datën 27.10.2024 rreth orës 01:00 Stacioni Policor në Viti ka pranuar informacion nga ankuesi mashkull kosovar se persona të panjohur deri më tani para hyrjes së shtëpisë së tij e cila gjendet në qytetin e Vitisë i kanë vendosur një arkivol të zbrazët. Njësite policore relevante menjëherë kanë dalë në vendin e ngjarjes dhe në koordinim me Prokurorinë e Shtetit kanë filluar hetimet në identifikimin e personave të dyshuar, ndriçimin dhe sqarimin e të gjitha rrethanave të rastit”, ka deklaruar Osmani./teve1.info/
