Skuadra e Vëllaznimit ka shënuar fitore ndaj Pejës në kuadër të Superligës së Kosovës në basketboll.
Të dielën mbrëma, në ndeshjen e xhiros së 14-të, të luajtur në palestrën “Shani Nushi” në Gjakovë, Vëllaznimi triumfoi me shifrat 94:85.
Edhe pse Peja i fitoi tre çerekë, Vëllaznimit i mjaftoi periudha e tretë, ku e bëri dallimin pasi e fitoi me shifrat 28:15.
Andrew Gordon me 16 pikë e 8 kërcime ishte më efikasi te Vëllaznimi, ku u veçuan edhe Jericole Hellems (21 pikë) e Derrick Wilson (19 pikë).
Gjithashtu, Vëllaznimi nuk u drejtua nga trajneri Rajko Krivokapiq, që thuhet se është larguar pas largimit të Jeronimo Sharinit.
Ekipi gjakovar ndaj Pejës u udhëhoq nga Dorant Hana. Te Peja më efikasi ishte Cesare Edwards me 18 pikë e 8 kërcime kurse 18 pikë i realizoi edhe Arti Hajdari.
Me këtë fitore, Vëllaznimi ka tubuar 19 pikë, tri më pak se skuadra e Pejës që me 22 pikë mbetet e treta në tabelë.
