Gjyqtari holandez, Rob Dieperink, pak javë pasi u përjashtua nga Kupa e Botës ka ndërruar jetë në moshën 38-vjeçare
Dieperink u përjashtua nga lista e arbitrave të Kupës së Botës nga FIFA, pas arrestimit të tij në Mbretërinë e Bashkuar nën dyshimin për sulm seksual ndaj një adoleshenti.
Çështja u mbyll më vonë nga Policia për mungesë provash.
Federata Holandeze e Futbollit (KNVB) konfirmoi të dielën vdekjen e Dieperink, duke shprehur tronditjen dhe pikëllimin për humbjen e një arbitri me përvojë ndërkombëtare. Shkaku i vdekjes nuk është bërë publik.
Sipas mediave holandeze, Policia ka nisur një hetim standard pas gjetjes së një personi të vdekur në zonën ku banonte arbitri, por autoritetet nuk kanë dhënë detaje të mëtejshme.
FIFA e zëvendësoi Dieperink në Kupën e Botës me arbitrin francez Willy Delajod.
