Një 37-vjeçar ka mbetur i vdekur mëngjesin e sotëm si pasojë e një vetaksidenti në rrugën Ferizaj – Prishtinë, saktësisht në fshatin Prelez i Jerlive të Ferizajt.
Lajmin për tëvë1.info e ka konfirmuar zëdhënësi i policisë për rajonin e Ferizajt, Kanun Veseli i cili ka thënë se viktima ka humbur kontrollin gjatë drejtimit të veturës.
“Me datën 04.01.2025 rreth orës 07:10 kemi pranuar një informatë se në rrugën magjistrale Ferizaj-Prishtinë, pikërisht në fshatin Prelez i Jerlive të Ferizajt ka ndodhur një aksident komunikacioni rrugor, ku është përfshirë një veturë me targa vendore. Në vendin e aksidentit menjëherë kanë dalë ekipe të policisë së Njësisë së Komunikacionit Rrugor, ndërsa hetuesit e aksidenteve kanë kryer ekzaminimin e vendit të ngjarjes. Nga hetimet e para dyshohet se shoferi i veturës, derisa ishte duke qarkulluar nga Ferizaj në drejtim të Prishtinës, me të arritur në fshatin Prelez i Jerlive, e humb kontrollin mbi drejtimin e veturës dhe kalon në anën e majtë të rrugës, duke goditur fillimisht ulësen në pikëstacionin e busëve dhe ndalet në rrethojat e një autosalloni. Në vendin e ngjarjes ka dalë edhe një ekipë e mjekëve nga Qendra Emergjente e Ferizajt, të cilët kanë konstatuar se shoferi F.I ( M/) i moshës 37 vjeçar është pa shenja jete”, ka deklaruar Veseli./teve1.info/
