Komisioni për Rekrutimin e Prokurorëve të rinj ka mbajtur sot takim pune për përgatitjet përfundimtare për Testin Kualifikues për Prokurorë të rinj.
Takimi u udhëhoq nga kryesuesi i Këshillit Prokurorial të Kosovës (KPK), Arian Gashi, ndërsa u diskutua për organizimin dhe mbarëvajtjen e procesit të testimit.
Testi Kualifikues do të mbahet të shtunën, më 7 nëntor, nga ora 13:00, në objektin e Akademisë së Kosovës për Siguri Publike në Vushtrri.
Komisioni theksoi rëndësinë e transparencës, paanshmërisë dhe integritetit, duke vlerësuar se përgatitjet po zhvillohen sipas planifikimit dhe se rekrutimi synohet të bëhet mbi bazën e meritës dhe kritereve profesionale./teve1.info/
