Pas Luka Modriqit edhe një futbollist tjetër e ka vazhduar bashkëpunimin me skuadrën e Real Madridit.
Bëhet fjalë për spanjollin, Lucas Vasquez që ka rinovuar kontratën dhe do të jetë pjesë e Realit deri në verën e vitit të ardhshëm.
33-vjeçari është rritur te Reali por është huazuar përpara se ti bashkohet ekipit të parë në verën e vitit 2015.
Në total, 33-vjeçari ka regjistruar 349 paraqitje me fanellën e Realit në të gjitha garat dhe ka shënuar 36 gola.
Po ashtu, Vasquez gjatë kësaj periudhe ka fituar edhe 21 trofe me klubin mbretëror, përfshirë këtu 5 trofe të Ligës së Kampionëve dhe 4 tituj kampioni të Spanjës.
