Francezi Raphael Varane të mërkurën ka bërë të ditur se ka marrë vendim të pensionohet nga futbolli aktiv në moshën 31-vjeçare.
Nëpërmjet një postimi në rrjetet sociale, mbrojtësi Varane ka shkruar se nuk është pishman për asgjë në karrierën e tij.
Ai ka gëzuar karrierë të suksesshme si futbollist, të cilën e ka nisur te skuadra franceze Lens.
Pas Lensit, Varane ka qenë pjesë e Real Madridit dhe me ekipin spanjoll ka fituar gjithçka që mund të fitohet në nivel klubesh.
Po ashtu, ai ka fituar trofe edhe me Manchester Unitedit, ndërsa para fillimit të këtij sezoni iu bashkua si lojtar i lirë ekipit nga Serie A, Como.
Varane ka edhe 93 paraqitje për Francën, kombëtare me të cilën ka triumfuar në Kupën e Botës dhe Ligën e Kombeve.
Këtë sezon, Varane ka vetëm një paraqitje me fanellën e Comos, ku në ndeshjen e parë ka pësuar një lëndim kurse tani që është pensionuar, ai do të ketë një rol të ri te skuadra italiane.
