Sulmuesi i Kombëtares së Shqipërisë, Myrto Uzuni ka folur për fazën “play-off” të kualifikimit në Botërorin 2026.
Në një intervistë për FSHF TV, Uzuni ka shprehur optimizmin e tij, pasi beson se Shqipëria mund ta sigurojë paraqitjen në Botëror, që do të ishte hera e parë në histori të “kuqezinjve”.
Shqipëria në kualifikime doli e dyta në grup dhe siguroi fazën “play-off” ku në gjysmëfinale do të përballet në udhëtim me Poloninë dhe nëse avancon në finale, atëherë do të luaj kundër fituesit të gjysmëfinales tjetër mes Ukrainës e Suedisë.
“Me Poloninë kemi shanse të barabarta dhe natyrisht kush gabon më pak, do ta ketë shansin për të fitues. Të them të drejtën, do të preferoja Ukrainën në finale”, tha Uzuni, duke shtuar se Shqipëria ka gjasat për kualifikim në Botëror dhe duhet ti shfrytëzojë ato.
E në rast se Shqipëria kalon me sukses fazën “play-off” ndeshjet e së cilës luhen në fund të muajit mars të vitit tjetër, atëherë në Botëror do të jetë pjesë e Grupit F së bashku me Holandën, Japoninë e Tunizinë.
