Qerimi tha se UP-ja synon që për çështje të etikës dhe masave disiplinore e plagjiatorëve të ketë komisione me profesorë ndërkombëtar të cilët merren me këto çështje.
“Përtej nevojës për ndryshimin e rregullatives relevante për çështje te etikes dhe masave disiplinore, unë kam propozuar që e pakta për një numër rastesh që janë më publike, më komplekse dhe për të cilat ka diskutim, ne të ngrisim komisione që kanë përbërjen e tyre profesorë ndërkombëtarë dhe të cilët në mënyrë të veçantë kanë përvojë në procedimet disiplinore për çështje që lidhen me integritetin akademik në institucionet e tyre”, ka deklaruar ai në emisionin “Ditari” në Tëvë1.
Po ashtu, Qerimi shtoi se për të luftuar plagjiaturën, UP-ja duhet të dizajnojë mekanizma të duhur.
“Çështja e plagjiaturave, nuk është një fenomen specifik as për UP-në as për Kosovën, është një problem i cili shfaqet dhe rishfaqet gjithandej edhe në Universitete lidere në nivel botëror. Për të luftuar ne duhet që të dizajnojmë mekanizmat e duhur, si ata ligjor, duke marrë modelin dhe praktikën në të mirë të përcaktimit qoftë dispozitave, apo mekanizmave që do të ishin të pranueshëm në zgjidhjen e këtyre rasteve”, theksoi ai. /Teve1.info/
