Selektori i Anglisë, Gareth Southgate është kandidati kryesor për të marrë drejtimin e Manchester Unitedit pas përfundimit të “Euro 2024”.
Bëhet e ditur se Southgate i prinë listës së drejtuesve të Manchesterit për postin e trajnerit, pasi holandezi Erik Ten Hag pritet të largohet këtë verë.
Te Manchesteri, tashmë kanë bërë gati ofertën për të bindur Southgaten, i cili është selektor i Anglisë prej vitit 2016 dhe ka kontratë me federatën angleze deri në fund të këtij viti.
Para se të marrë drejtimin e Anglisë, Southgate 53-vjeçar si trajner ka punuar edhe te Middlesbrough dhe ka qenë përzgjedhës i Kombëtares U21 angleze.