Sulmuesi i krahut, Jadon Sancho, nuk pritet të jetë pjesë e Manchester Unitedit këtë edicion. Sancho pritet të suspendohet për pjesën e mbetur të këtij edicioni pas kritikave publike ndaj trajnerit Erik ten Hag.
Trajneri holandez nuk po llogarit në Sanchon, i cili ka kontratë me Unitedin deri në verën e vitit 2026 me opsionin e rinovimit edhe për një vit tjetër. Madje thuhet se krahas suspendimit klubi anglez do ta nxjerrë Sanchon në shitje gjatë afatit kalimtar të janarit.
Për kartonin e tij Unitedi do të kërkojë rreth 40 milionë euro dhe gjasat janë të mëdha që Sancho të rikthehet në Bundesligë. Ai iu bashkua Unitedit me bujë të madhe në vitin 2021 nga Borussia Dortmundi për 100 milionë euro, por nuk bindi me paraqitjet e tij.
Sancho ka edhe 23 paraqitje e 3 gola për Anglinë. Këtë edicion ai ka në total 76-të minuta lojë në Premier League.
