Trajneri Erik ten Hag nuk e ka të sigurt të ardhmen te Manchester Unitedi, pasi klubi anglez po shikon për opsione tjera. “Daily Mail” ka njoftuar të premten se drejtuesit e Unitedit kah kthyer sytë kah francezi Zinedine Zidane.
Madje, thuhet se Zidane tashmë është kontaktuar nga ekipi anglez pas rezultateve të dobëta të holandezit Ten Hag këtë edicion.
Unitedi ka regjistruar katër humbje këtë edicion në kampionat dhe Ligën e Kampionëve, ndërsa Ten Hagut i është dhënë ultimatum për t’u kthyer te rezultatet pozitive.
Zidane është i papunë prej vitit 2021 kur u largua nga Real Madridi, ndërsa Ten Hag ka kontratë me Unitedin deri në vitin 2025.
