Ish-ambasadori, Sylë Ukshini komenton aktgjykimin ndaj ish-krerëve të UÇK-së, që u dënuan me 81 vjet burgim në total.
Ukshini këto vendime i quajti politike, duke thënë se Gjykata Speciale është formuar mbi premise politike dhe mbi raport politik të cilës i ka shërbyër politikes.
Në emisionin “Ditari” në Tëvë1, ish-ambasadori tha se këto vendime janë një tendencë për të krijuar një semetri të rrejshme.
I pyetur sa i përket zhbërjes së Gjykatës Speciale, Ukshini tha se Qeveria e Kosovës dhe Kuvendi duhet t’i kërkojnë BE-së pozicion ndërkombëtar zyrtar se a janë vërtetuar pretendimet e Dick Martyt, ku ë njëjtën gjë sipas tij, duhet t’i kërkojnë edhe KiE-së.
“Vendimet janë politike, gjykata është formuar mbi premise politika dhe mbi raport politik dhe i ka shërbyer politikës. Vendimet janë një tendencë për të krijuar një semetri të rrejshme…..Nëse Shqipëria nuk pranohet në 2030 në BE goditja e radhës pas Kosovës është Shqipëria. Unë mendoj që me shkresa zyrtare Qeveria e Kosovës dhe Parlamenti i Kosovës duhet t’i kërkojnë BE-së pozicion ndërkombëtar zyrtar a janë vërtetuar pretendimet e Dick Martyt, të njëjtën gjë duhe të ia kërkojnë edhe KiE-së dhe nëse nuk janë vërtetua këto pretendime atëherë rezoluta 16/82 duhet të shpallet e pavlefshme dhe njëkohësisht asambleja parlamentare e KiE-së duhet t’i kërkoj falje Shqipërisë dhe Kosovës për dëmtimin e imazhit”, ka deklaruar Ukshini.
Ai tutje ka thënë se Kosova duhet të fokusohet te procesi i Apelit dhe t’i përgjigjet kundërnarrativës serbe.
Sipas tij, PDK dhe LVV duhet të kenë një marrëveshje dhe të krijojnë një front të përbashkët.
“Unë mendoj që duhet të orientohemi më shumë te Apeli dhe më shumë duhet t’i përgjigjemi kundërnarrativës serbe, sepse gjykata i ka dhënë një armë të madhe Serbisë e cila i ka mohuar krimet. Nëse e shohim një interes madhor, një interes të Kosovës ndoshta ky moment 16 shtatori e ka bërë një kthesë që ndoshta duhet të tejkalohen të gjitha ato mosdurimet politike që i kemi, ndoshta është mirë që PDK dhe LVV të bëjnë një lloj marrëveshje dhe ndoshta presidenti të dalë nga PDK dhe pastaj të adresohen çështjet në kanale diplomatike dhe institucionale dhe të krijohet një front i përbashkët. Ky nuk është dënim vetëm për katër veta, kjo komprometon kauzën tonë, ne do ta shohim se kjo do ta ketë vështirësinë për Kosovën nesër për të kërkuar njohje, sepse Serbia do ta marrë, do ta paketojë vendimin e Gjykatës Speciale dhe bashkë me të shpalljen e Pavarësisë”, ka përfunduar Ukshini./teve1.info/
