Sipas një njoftimi të publikuar në Facëebook, Nagavci ka përgëzuar profesorin Koliqi për punën që e ka bërë në hartimin e këtij fjalori dhe e ka falënderuar atë për, siç është shprehur ministrja, një kontribut kaq të çmuar për fushën e arsimit dhe të edukimit në tërësi.
Ajo ka theksuar se, edukimi është shtylla bazë e avancimit të shoqërisë dhe garancia më e mirë për zhvillimin e vendit.
“Në këtë periudhë plotë ndryshime të shpejta edhe edukimi duhet të ecë në hap me kohën. Ndër të tjera, ministrja tha se, ky botim është rezultat i dy dekadave kërkime shkencore nga profesori i nderuar dhe po ashtu, është rezultat i dyzet viteve karrierë profesionale, të cilën ai ia ka kushtuar historisë dhe praktikës së edukimit. Fjalori është i dedikuar për një gamë të gjerë lexuesish, meqenëse është konceptuar si burim i rëndësishëm për ekspertë të edukimit dhe arsimit, por edhe për mësimdhënës e prindër, dhe të gjithë ata/ato që duan të mësojnë më shumë rreth kësaj fushe”, u shpreh ministrja Nagavci.
Fjalori enciklopedik me dy vëllime të plota është botuar nga Fakulteti i Edukimit (UP), përkrahur nga MAShTI.
