Të martën u ndërpre seria e 10 fitoreve rresht e Burnleyt. Ekipi u ndal baras me Watfordin 1:1. Muriqi gaboi në pjesën e parë dhe ekipi i tij pësoi gol, ndërsa rezultati u barazua në fund.
Trajneri i Burnleyt në Championship, Vincent Kompany, ka mohuar se portierin Aro Muriq e ka zëvendësuar në mes të ndeshjes me Watfordin për shkak të një gabimi. Ai ka thënë se “lojtari s’po ndihej mirë”.
Ekipi i Muriqit dhe Kompanys vazhdon të jetë lider në tabelën e rangut të dytë të garave të futbollit në Angli.
Pas ndeshjes, trajneri belg është pyetur për vendimin për Muriqin.
“S’ka asgjë taktike që mund të zgjidh. S’po ndihej mirë”, ka thënë Kompany për Muriqin.
Aro Muriq është huazuar te Burnley sivjet nga Manchester City. Deri tash ka mbajtur dhjetë porta të paprekura.
