Policia e Kosovës, ka njoftuar se, gjatë kontrollit të një veture në Jarinjë, ku kanë qenë dy persona, janë gjetur dhe sekuestruar thika, maica me simbole nacionaliste e paisje tjera multifunksionale.
Policia ka njoftuar se dy personat janë arrestuar.
“Policia e Kosovës, në këtë rast zyrtarët kufitar në kuadër të kontrolleve të shtuara në parandalimin e aktiviteteve të kundërligjshme ndërkufitare, në hyrje të Pikë Kalimit Kufitar Jarinje, mbi dyshimin e bazuar kanë ndaluar për kontrolle në vijën e dytë një automjet me targa SRB (VA) në të cilin gjendeshin dy persona, ku gjatë kontrollit janë gjetur dhe sekuestruar: – 5 thika, (dy prej tyre taktike\luftarake); – 1 kamerë Go Pro (me mbajtës); – 2 maica me simbole nacionaliste dhe mbishkrime nacionaliste ‘Freedom or Death’ & ‘Defend Europe since – 1312’ ‘Regrut’; – 2 Pajisje multifunksionale; – 1 flamur i Serbisë (llogo) SRB; – 1 vulë me katër S dhe me mbishkrim ‘Udruzenje Ljubitelja Srednjvekovnih Borilackih Sportova, Sremski Karlovci’; – 1 ID Kartë”, njofton Polici.
Me autorizim të Prokurorit të Shtetit, është iniciuar rasti “Mbajtja në pronësi, kontroll ose posedim të paautorizuar i armëve, ndërsa dy personat e dyshuar janë dërguar në mbajtje.
