Policia e Kosovës ka njoftuar se e njëjta po kthehej nga Shqipëria për në Kosovë, dhe gjatë kontrollit të veturës së të dyshuarës, janë gjetur dy qese me substancë të dyshuar kokainë.
“Më datën 22.03.2022, DHTN-së Ferizaj, pas një plani taktik nën asistimin hetuesve të DHTN-së në Prizren, rreth orës 21:30, kanë ndaluar një veturë në të cilën ishte e dyshuara femër, Xh.N.(1997) shtetase e Republikës së Shqipërisë. Pas kontrollit të së dyshuarës, tek e njëjta janë gjetur dy qese me substancë të dyshuar pluhurngjyrë të bardhë e dyshuar për kokainë. E dyshuara e lartcekur është arrestuar në vendin e ngjarjes”, është bërë e ditur në njoftimin e Policisë.
PK-ja ka njoftuar se ka bastisur edhe banesën e së dyshuarës në të cilën jetonte me qera, dhe kishte konfiskuar disa qese me sasi të ndryshme me substancë të dyshuar për kokainë.
“Pas njoftimit të Prokurorit kujdestar si dhe marrjes së urdhrit verbal nga gjykatësi i procedurës paraprake, policia ka realizuar bastisjen në banesën, në të cilën e dyshuara ka jetuar me qera dhe në tërësi tek e dyshuara janë gjetur dhe konfiskuar në cilësinë e provave materiale si në vijim: Disa qese me sasi të ndryshme me substancë të dyshuar pluhur ngjyrë të bardhë e dyshuar për kokainë, në total 201.19 gram, dy peshore dhe disa qese të zbrazëta, një pjatë porcelani ku është bërë matja dhe përgatitja për shtije, një palë gërshërë, një pasaportë, një telefon celular, një kartëmonedhë 20 euro”, thuhet në njoftim.
Sipas Policisë, e dyshuar është intervistuar dhe aktvendim të prokurorit është dërguar në mbajtje për 48 orë./Teve1.info/
