Raportohet se një person në Ferizaj ka humbur jetën si pasojë e një aksidenti gjatë prerjes së drunjve në afërsi të oborrit të tij.
Policia, përmes raportit 24-orësh, ka bërë të ditur se një lis ka rënë mbi viktimën, duke i shkaktuar lëndime të rënda trupore.
I lënduari u dërgua fillimisht në qendrën emergjente për trajtim të menjëhershëm, ndërsa më pas u transferua në Qendrën Klinike Universitare të Kosovës (QKUK) ku mjeku kujdestar konfirmoi vdekjen e tij.
“Raportohet se viktima mashkull kosovar derisa ka qenë në afërsi të oborrit duke prerë dru, një lis bie mbi viktimën dhe si pasoj, i njëjti pëson lëndime trupore dhe dërgohet fillimisht në qendrën emergjente, e më pas në QKUK, ku mjeku kujdestar konfirmon vdekjen e tij. Lidhur me rastin është njoftuar prokurorit, ndërsa trupi i pa jetë u lirohet familjareve për ceremoni mortore”, thuhet në raportin e PK-së.
