Kjo pasi që, siç thotë Krasniqi, Kurti ende nuk po e merr kurajën që t’ua përmend emrat Hashim Thaçit dhe Kadri Veselit, kur flet për kontributin e tyre në UÇK.
Madje, Krasniqi thotë se është e turpshme që i janë dashur më shumë se një vjet kryeministrit që të flas mirë për bashkëluftëtarët e Adem Jasharit, duke aluduar në Thaçin dhe Veselin.
“Realisht është e turpshme për vet kryeministrin Albin Kurti që i është dashur një vit e gjysmë që të fillojë dhe të flasë për bashkëluftëtarët e Adem Jasharit, pa ua përmendur emrat. Ai [Albin Kurti] ende nuk po ua përmend emrat. Ata kanë emra dhe i njeh krejt Kosova – janë liderë të luftës dhe paqes së Kosovës”.
“Tendenca për të thënë ndonjë fjalë tash, edhe pse është e vonshme, është e mirëseardhur. Ai sot ka hyrë në realitetin e qytetarëve të Kosovës, sepse atë që po e thotë ai qytetarët e Kosovës e kanë menduar që nga dita e parë. Çështja e tyre nuk duhet të politizohet. Janë në Hagë për të mbrojtur të vërtetën e qytetarëve të Kosovës dhe luftën tonë për çlirim dhe për këtë arsye meritojnë mbështetjen pa i penguar”.
Lideri i PDK-së deklaroi se nëse shefi i qeverisë kosovare e mendon vërtet këtë që po e thotë për ish-krerët e UÇK-së që po gjykohen në Hagë duhet t’ua përmendë edhe emrat.
“Nëse Albin Kurti e ka të sinqertë këtë që po e thotë tash besoj që nuk prish punë me ua përmend emrat. Vërtet janë bashkëluftëtarët e Adem Jasharit të gjithë, edhe janë themelues të UÇK-së dhe udhëheqësit e luftës dhe paqes. Nuk turpërohet, por përkundrazi e nderon veten nëse ua përmend emrat”.
