Sipas tij, Haradinaj kishte përmendur emrat e pesë dëshmitarëve të mundshëm, shkruan teve1.info
“Gjithashtu Haradinaj përmendi emrat e së paku 5 dëshimtarëve/ve të mundshëm. Trupi gjykues është gjithashtu i bindur se të akuzuarit vepruan me synim të drejtpërdrejt në zbulimin e emrave dhe të dhënave personale të dëshmitarëve të mundshëm”, tha kryetari i trupit gjykues.
Ai shtoi se Gucati dhe Haradinaj ishin të vetëdijshëm për pasojat që mund të shkaktonin me veprimet e tyre.
“Veprat e të akuzuarit shkaktuan pasoja të rënda në kuptim të nenit 3 nën 2 paragrafi 3 të KPK-së për dy dëshmitarë të cilët u zhvendosën. Për dëshmitarë të cilët u bën objekt i planifikimit urgjent të menaxhimit të riskut dhe për së paku një person i cili u përmend publikisht me emër si dëshmitar. Të dy të akuzuarit ishin të vetëdijshëm se si rezultat i veprimeve të tyre mund të shkaktoheshin pasoja të tjera dhe ata u pajtuan me shkaktimin e tyre. Sidoqoftë trupi gjykues nuk është bindur se veprimet e të akuzuarve pamundësuan apo penguan shumë hetimet e ZPS-së. Rrjedhimisht trupi gjykues konstaton se ZPS-ja ka vërtetuar vërtetë dyshimet e arsyeshme, formën bazë të veprës penale në pikën 6 formë e rëndë vetëm sa u përket pasojave të rënda në lidhje me dy të akuzuarit”, tha kryetari i trupit gjykes.
Trupi gjykues ka konstatuar se ish-krerët e OVL-UÇK-së zbuluan identitete dhe të dhëna personale të qindra dëshimtarëve të mundshëm.
Hysni Gucati së bashku me Nasim Haradinaj po akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
Zyra e Prokurorit të Specializuar (ZPS) ka kërkuar që Hysni Gucati e Nasim Haradinaj të dënohen me nga 6 vjet burgim dhe nga 100 euro gjobë. /Teve1.info/
