Deputeti i Partisë Demokratike (PD), Tritan Shehu e ka quajtur shqetësuese bllokadën e krijuar në Kuvendin e Kosovës.
Sipas tij, Kosova ka nevojë për krijimin e një Parlamenti solid dhe real dhe për një qeverisje të konfirmuar nga ai Parlament.
“Kosova ka nevojë për dy elementë: për një Parlament solid dhe real një qeverisje të konfirmuar nga ai Parlament. Ka nevojë në mënyrë absolute për të gjitha rrugët e zhvillimit të saj ashtu siç ka nevojë edhe për një imazh pozitiv. Këto dështime të Parlamentit nuk influencojnë pozitivisht…”, ka thënë ai në emisionin “Mesditë” në Tëvë1.
