Pas një sezoni historik dhe triumfit në elitën e basketbollit kosovar, KB Trepça ka nisur menjëherë punën për ndërtimin e skuadrës për edicionin e ardhshëm.
Klubi mitrovicas ka arritur marrëveshje për vazhdimin e kontratës me basketbollistin amerikan Kenny Hasbrouck edhe për një vit tjetër.
Lajmi është pritur me entuziazëm të madh nga tifozët “Torcida”, pasi Hasbrouck ishte një nga lojtarët kyç në rrugëtimin e Trepçës drejt titullit kampion.
Drejtuesit e klubit e konsiderojnë vazhdimin e bashkëpunimit me Hasbrouck si një hap shumë të rëndësishëm për ruajtjen e boshtit të ekipit kampion. Trepça synon që edhe në sezonin e ardhshëm të mbetet pretendente kryesore për trofetë vendorë, por edhe të paraqitet denjësisht në garat ndërkombëtare.
