Trepça ka arritur të bëhet ekipi i parë që arrin gjysmëfinalen e Kupës së Kosovës në basketboll, pasi që në përballjen e Final 8 të Kupës së Kosovës, përkatësisht çerekfinale, ka mposhtur Vëllaznimin lehtë.
Mitrovicasit kanë dominuar ndeshjen në tre çerekët e parë të saj për të krijuar avantazh të madh në rezultat ashtu që në çerekun e fundit trajneri Engin Gençoglu përdori të rinjtë e ekipit për t’iu dhënë mundësinë që të marrin përvojë.
Trepça fitoi ndeshjen ndaj Vëllaznimit 81-56. Ndërsa koshashënuesit më të mirë të ekipit kanë qenë Andrew Gordon e Mikaile Tmusic, që për pak mbi 20 minuta lojë kanë dhënë nga 13. Erjon Kastrati dhe Will Daniels dhanë nga 12 pikë secili, ndërsa minuta mori secili lojtar i mitrovicasve.
Vëllaznimi me këtë ndeshje përshëndetet nga Kupa e Kosovës, derisa pika më e ndritshme sonte ka qenë Jahii Carson që ka dhënë 18 pikë.
Trepça në gjysmëfinale të Kupës do të pret fituesin e ndeshjes Peja-Rahoveci që luhet nesër mbrëma.
