Tre persona kanë vdekur dhe një shtetas britanik është në gjendje të rëndë në spital pas një shpërthimi të dyshuar të hantavirusit në një anije të vogël turistike në Oqeanin Atlantik.
Operatori i anijes MV Hondius, kompania turistike Oceanwide Expeditions, tha se një burrë dhe një grua holandeze, si dhe një shtetas gjerman, kishin vdekur, por shkaku nuk është përcaktuar ende, shkruan BBC.
Megjithatë, kompania holandeze tha se hantavirusi është konfirmuar në rastin e shtetasit 69-vjeçar të Mbretërisë së Bashkuar i cili është në kujdes intensiv në Johannesburg, Afrikën e Jugut.
Hantavirusi zakonisht transmetohet te njerëzit nga brejtësit nëpërmjet jashtëqitjeve, pështymës ose urinës së tyre . Mund të shkaktojë sëmundje të rënda të frymëmarrjes. Rrallë, mund të transmetohet midis njerëzve.
Anija MV Hondius ndodhet aktualisht në brigjet e Kepit të Gjelbër dhe ka 149 persona në bord.
Oceanwide Expeditions tha se në bord kishte edhe dy anëtarë të ekuipazhit “me simptoma akute të frymëmarrjes, një të lehta dhe një të rënda”.
Ata ishin me kombësi britanike dhe holandeze dhe të dy kishin nevojë për kujdes mjekësor urgjent, tha ajo. Tha se nuk ishte vërtetuar nëse hantavirusi ishte konfirmuar tek çifti. Dhe shtoi se nuk ishin identifikuar persona të tjerë me simptoma.
Negociatat janë në zhvillim e sipër me autoritetet lokale pas asaj që Oceanwide Expeditions e përshkroi si “një situatë serioze mjekësore”.
