Tre persona kanë pësuar lëndime trupore në një vetaksident që ka ndodhur në autostradën Vermicë -Prizren në kilometrin e 10 –të.
Zëdhënësi i Policisë së Kosovës, Daut Hoxha ka thënë për teve1.info se aksidenti ka ndodhur pasi dyshohet shoferi ka humbur kontrollin e automjetit.
“Sot rreth orës 15:00, është raportuar për një vetaksident trafiku në autostradën Vermicë-Prizren, në kilometrin e 10-të. Drejtuesi i automjetit dyshohet se ka humbur kontrollin mbi automjetin, 3 persona kanë marrë lëndime. Policia po i kryen hetimet lidhur me shkaqet tjera të mundshme që çuan te aksidenti. Apelojmë për kujdes te të gjithë shoferët, të respektohen rregullat në trafik”, ka thënë Hoxha.
