Tre persona kanë mbetur të lënduar si pasojë e një aksidenti trafiku mes dy veturave, i cili ka ndodhur pasditen e sotme në fshatin Dubravë të Istogut.
Lajmin për Tëvë1 e ka konfirmuar zëdhënësi i Policisë për rajonin e Pejës, Driton Rugova, i cili ka bërë të ditur se të lënduarit janë dërguar në Spitalin Rajonal të Pejës për trajtim mjekësor.
“Sot rreth orës 15:35, Policia është njoftuar për një aksident trafiku i cili ka ndodhur në fshatin Dubravë-Istog. Në aksident kanë qenë të përfshira dy vetura dhe si pasojë tre persona kanë pësuar lëndime trupore. Të njëjtit janë dërguar në Spitalin Rajonal në Pejë për tretman mjekësor”, ka deklaruar Rugova.
