Tre persona kanë pësuar lëndime trupore një aksident komunikacioni që ka ndodhur në aksin rrugor Viti-Kllokot.
Në këtë aksident sipas Policisë së Kosovës janë përfshirë tri automjet.
Zëdhënësi i Policisë, Valon Osmani tha për teve1.info se të lënduarit janë dërguar për trajtim mjekësor në Qendrën Emergjente në Gjilan.
“Me datën 25.05.2026 rreth orës 13:15 kemi pranuar informacion se në aksin rrugor Viti-Kllokot ka ndodhur një aksident trafiku me lëndime në të cilin kanë qenë të përfshira tri automjete. Si pasojë lëndime trupore kanë pësuar tre persona të cilët janë dërguar për tretman mjekësor në qendrën emergjente në Gjilan”, ka thënë Osmani.
Ai njoftoi se hetusit e PK-së kanë dalë në vendin e ngjarjes dhe janë duke hetuar rrethanat e aksidentit.
