Atletico Madridi do të përballet me Arsenal në ndeshjen e parë gjysmëfinale të Ligës së Kampionëve, e cila zhvillohet sonte në Madrid. Të dy skuadrat synojnë të shkruajnë histori duke fituar për herë të parë trofeun më të madh evropian për klube.
Skuadra e drejtuar nga Diego Simeone hyn në këtë përballje me përvojë të madhe në ndeshjet eliminatore dhe me një rekord të fortë në shtëpi, ku gjatë këtij sezoni ka qenë mjaft e suksesshme. Madrilenët kanë eliminuar ekipe si Barcelona dhe Tottenham në rrugën drejt gjysmëfinales, duke rritur besimin për një tjetër sukses.
Në anën tjetër, Mikel Arteta dhe skuadra e tij kanë kaluar një sezon të qëndrueshëm në Champions, pa asnjë humbje deri më tani. Megjithatë, forma e fundit dhe lodhja nga ndeshjet e shumta në prill kanë ngritur pikëpyetje për paraqitjen e londinezëve në një transfertë të vështirë si ajo në Madrid.
Ndeshja pritet të jetë e kujdesshme, me të dy ekipet që synojnë të shmangin gabimet përpara takimit të kthimit në Angli. Megjithatë, avantazhi i fushës dhe forma sulmuese e Atleticos mund t’i japin ekipit spanjoll një epërsi minimale përpara ndeshjes së dytë.
Ky ballafaqim nis nga ora 21:00.
