Ai në emisionin “Info Nata” në Tëvë 1, potencoi se problemet kryesore janë sa i përket infrastrukturës, duke përmendur mungesën e rrymës në disa zona.
“Kemi edhe probleme tjera, infrastruktura është punuar deri diku por jo edhe aq. Problemi ka çalu në pjesën e Rugovës, po e shpreh pakënaqësinë e bizneseve dhe atyre akterëve që po merren me rrymë elektrike ka mungesë për 20 vite Rugova, Boga. Ajo pjesë ka vuajtur pa rrymë, shpresojmë që do të bëhet diçka”, tha ai.
Madje, Thaçi shtoi se shqetësim tjetër i tyre është se shumë turistë nga Polonia e Çekia po i vizitojnë vendet e rajonit dhe jo Kosovën, duke thënë se presin hapjen e kufirit me disa vende të Malit të Zi.
“Po ju tregoj një fakt,me mijëra turistë polakë dhe çekë zbarkojnë në Mal të Zi, Plavë e Guci dhe marrin udhëtimin për Thes, kemi mundësi dhe aq potencial për të kapur këtë pjesën e thithjen e këtyre turistëve është lajm i mirë para 3 ditësh Qeveria polake hapi linjën ajrore Varshavë – Prishtinë, absolutisht do të punojmë është pjesë e strategjisë dhe kjo linjë do të mundësojë shumë hapësirë për të sjellë turistë por ne na duhet hapja e kufirit me Plavën e Gucinë”, tha ai./teve1.info/
