Irani ka thënë të mërkurën se një propozim i dërguar nga SHBA-ja përmes ndërmjetësuesve pakistanezë po shqyrtohet dhe se Teherani do të komunikojë pozicionin e tij përfundimtar pasi të përfundojë vlerësimet e brendshme.
Zëdhënësi i Ministrisë së Jashtme, Esmaeil Baghaei ka thënë për agjencinë e lajmeve gjysëm-zyrtare ISNA, se propozimi i SHBA-së është duke u shqyrtuar dhe se Irani do të ia përcjellë konkluzionet palës pakistaneze.
ISNA raportoi gjithashtu se pjesë të përmbajtjes së publikuar nga media amerikane Axios në lidhje me një marrëveshje të mundshme midis Teheranit dhe Uashingtonit ishin “spekulime mediatike”, duke shtuar se ekipi negociator iranian mbetet i përqendruar në çështjen e “përfundimit të plotë të luftës”.
Sipas raportit, çështjet bërthamore “nuk janë nën diskutim në këtë fazë” të negociatave.
