Zëdhënësi i Forcave të Armatosura të Republikës Islamike të Iranit, Gjenerali i Brigadës Abolfazl Shekarchi, deklaroi të mërkurën se nëse Izraeli vendos të sulmojë ambasadën e Iranit në Bejrut, të gjitha ambasadat izraelite do të bëhen shënjestra, citoi atë agjencia gjysmëzyrtare Tasnim News .
“Izraeli ka kërcënuar se do të shënjestrojë ambasadën iraniane në Liban “, tha Shekarchi. “Nëse Izraeli sulmon ambasadën e Iranit, të gjitha ambasadat e këtij regjimi do të jenë objektiva legjitime.”
Gjenerali i brigadës vazhdoi duke thënë se Izraeli nuk ka kufizime në veprimet e tij ushtarake dhe pohoi se edhe me kapacitetin e tij luftarak përkatës, Republika Islamike deri më tani ka “respektuar” rregullat e së drejtës ndërkombëtare.
“Përveç Shteteve të Bashkuara dhe Izraelit, Republika Islamike e Iranit nuk ka as konflikt dhe as armiqësi me vendet e tjera të botës dhe i zhvillon marrëdhëniet e saj në bazë të angazhimit”, shtoi Shekarchi.
Ai theksoi se sulmi i Izraelit ndaj ambasadës së Iranit në Liban do të ishte një krim, gjë që do t’u jepte Forcave të Armatosura Iraniane një arsye “legjitime” për të kryer një veprim reciprok, raportoi Tasnim.
Izraeli ka filluar operacion ushtarak ndaj Libanit të hënën, duke bombarduar Bejrutin dhe vende të tjera, të cilat kanë lënë dhjetëra të vrarë.
Të shtunën, Izraeli dhe SHBA-ja nisën sulme të prapritura ndaj Iranit, të cilat u pasuan me një kundërpërgjigjje nga ana e Iranit ndaj Izraelit dhe përgjatë gjithë aseteve amerikane në Lindjen e Mesme.
