Përfaqësuesi i platformës “Liria Ka Emër”, Ismail Tasholli, ka thënë se protesta e sotme në sheshin “Skënderbeu” e ka një ‘sebep’ të madh, Ushtrinë Çlirimtare të Kosovës.
Ai tha se sheshi ku po mbahet sot protesta gjithëpopullore i ka bërë bashkë qytetarët për të dërguar një mesazh të rëndësishëm, por s’janë bërë bashkë për shkak të partive, për shkak të mitingjeve të caktuara, sepse varri i dëshmorit, sipas tij, nuk ka parti politike dhe liria nuk ka parti politike.
“Sot jemi mbledhur këtu me një ‘sebep’ të madh, jemi mbledhur për ju, jemi mbledhur për UÇK-në. Jemi bërë bashkë për ta dërguar një mesazh shumë të rëndësishëm, s’jemi bë bashkë për shkak të partive, për shkak të mitingjeve të caktuara, por sot jemi bërë bashkë për ju, sepse varri i dëshmorit nuk ka parti politike dhe liria nuk ka parti politike. Sot jemi në shesh këtu, në sheshin që e di peshën dhe zërin e qytetarit të Kosovës. Është ky shesh që në ’68-ën ngriti studentë në këmbë për Republikë dhe shkolla shqipe. Është po ky shesh që në ’81-ën ngriti në këmbë të reja e të rinj, atë që e besojnë, për ta artikuluar atë që e synojnë. Është ky shesh që na ka bërë bashkë edhe në vitet e 90’ta. Dhe sot, si nëpër të gjitha kohërat, si në nëntorin të 97-ës, simbolikën e rinisë kur është i gatshëm për të folur me atë nuk pajtohet dhe të sakrifikojë gjithçka me atë që synohet. Sot jemi në sheshin e Kosovës. Kosova, shqiptarët kudo që janë e kanë një adresë sot dhe një mesazh ‘Jo në emrin tonë’”, tha Tasholli, raporton KosovaPress.
Tutje, ai u shpreh se sakrificat brez pas brezi janë shenja të lirisë së Kosovës, ku siç u shpreh ai, secili brez e dha gjakun, mundin, djersën aq sa diti e mundi.
Tasholli kërkoi nga Bashkimi Evropian që të ketë derjtësi të barabartë dhe se besojnë në vlerat evropiane, por nuk beosjnë në dy standarde kur flitet për drejtësi.
Ai e përmendi edhe një mesazh që komandanti legjendar, Adem Jashari, e dha kur u pyet për fitimin e zorshëm të luftës.
“Sakrificat tona të brez pas brezshme janë shenja e lirisë sonë. Secili brez e dha gjakun, mundin, djersën aq sa diti, aq sa mundi. Themeli ynë është i shumë gjeneratave, e UÇK-ja është boshti kurrizor i saj. Nëse UÇK-ja sulmohet në mënyrën se si qysh sot na servojnë si drejtësi, atëherë kemi arsye të madhe se duam drejtësi të barabartë, duam ato vlera që BE-ja, civilizimi perëndimor na i ka mësuar gjatë gjithë kohës. Sot, Kosova e priti presidenten e Komisionit Evropian. Ne i themi se besojmë në ato vlera të Evropës, por nuk besojmë në dy standarde kur na flitet për drejtësi. I themi që “Jo në emrin tonë”. Brezat kanë edhe zë, por edhe përgjegjësi për të krijuar idenë e një rrugëtimi tonë të pandalshëm dua të ndaj me ju një rrëfim që e tregojnë bashkëluftëtarët e Adem Jasharin. Kur e kanë pyet ‘që e ke të zorshme me e fitu luftën’, një përgjigje e ka pasur “nashtë, dua të lë varreza të dëshmorëve që gjeneratat që vijnë ta shohin se dikush ka luftuar për liri”.
