Kryesia dhe Grupi Parlamentar i Partisë Demokratike të Kosovës do të mblidhen sot nga ora 11:00 në selinë qendrore të partisë.
Mbledhja vjen pas aktgjykimit të Dhomave të Specializuara në Hagë ndaj ish-krerëve të Ushtrisë Çlirimtare të Kosovës, të cilët u dënuan me gjithsej 81 vjet burgim.
Abelard Tahiri ka folur para mbledhjes për media.
“Po në radhë të parë duhet të them që sot Kosova është ndryshe. Dhe këtë ndryshim populli i Kosovës nuk mund ta pranojë. Ne normalisht, konform kërkesës së popullit të Kosovës, do të shkojmë edhe si Partia Demokratike e Kosovës, nuk duam të qëndrojmë duarkryq edhe do t’i marrim të gjitha hapat e nevojshëm që të sjellim vetëm drejtësi. Pra kjo ka qenë një padrejtësi e madhe për popullin tonë, për vendin tonë, për shoqërinë tonë, e cila është e papranueshme. Kosova tashmë është ndryshe dhe këtë ndryshim nuk e pranojmë”, deklaroi Abelard Tahiri.
