Sulmuesi Ardit Tahiri është shprehur tejet i lumtur me kalimin e tij nga Llapi në Finlandë, te skuadra e Helsnikit.
Tahiri është huazuar nga Llapi deri në fund të këtij viti, ndërsa Helsinki ka opsionin e blerjes së tij, por që nuk janë dhënë detajet e marrëveshjes.
Tahiri të mërkurën i bashkohet Helsinkit, ndërsa do të prezantohet zyrtarisht brenda kësaj jave.
Sulmuesi 22-vjeçar me padurim pret ta fillojë aventurën e tij te Helsinki, ku ka premtuar se do ta ndihmoj ekipin në arritjen e objektivave.
“Jam shumë i lumtur për transferimin te Helsinki. Ky është klubi më i madh në Finlandë dhe shpresoj se mund ta ndihmoj ekipin të fitojë kampionatin”, ka thënë Helsinki.
Edhe te skuadra finlandeze janë të kënaqur me Tahirin, të cilin e kanë vlerësuar si përforcim të rëndësishëm.
Në 44 paraqitje zyrtare për Llapin, Tahiri ka shënuar 19 gola dhe ka bërë 4 asistime kurse ka luajtur edhe për Dinamo Cityn, Dritën e Besën.
