Shefi i Grupit Parlamentar të Partisë Demokratike të Kosovës (PDK), Abelard Tahiri, ka deklaruar se ministri i Mbrojtjes, Ejup Maqedonci do të mbahet mend si ministri i cili e ka lënë ushtrinë pa bukë.
Tahiri gjatë fjalimit të tij në seancën e sotme të Kuvendit, ka kërkuar nga Maqedonci që të jap dorëheqje dhe të lirojë detyrën e ministrit.
“Zotëri Ejup Maqedonci kudo që je sot ke dezertu përballë detyrës tënde më fisnike. Sot mos me qenë në gjendje të vish në Kuvend dhe ta mbrosh punën tënde, angazhimin tënd është e patolerusheme. Sot ajo që më së paku do të duhej ta bëje është të japësh dorëheqje dhe të lirosh atë detyrë. Minister, je minister që do të mbahesh mend se e ke lënë ushtrinë e Kosovës pa bukë. Nuk besoj se të bën nder ty dhe as partisë tënde e as familjes tënde”, ka thënë Tahiri.
Me kërkesë të Grupit Parlamentar të AAK-së, e mbështetur nga 43 deputetë nënshkrues në Kuvendin e Kosovës është duke u mbajtur seancë e jashtëzakonshme ku po diskutohet çështja e ushqimit për Forcën e Sigurisë së Kosovës./teve1.info/
